പനമരം കൊലപാതകം: വ്യാജ സിദ്ധന്‍ അറസ്റ്റില്‍.
പനമരം: മൃഗാശുപത്രി ജീവനക്കാരി ചാലമ്പാട്ടില്‍ ആര്. സുധയുടെ കൊലപാതകവുമായി ബന്ധപ്പെട്ട പനമരം കീഞ്ഞുകടവിലെ വ്യാജ സിദ്ധന്‍ സൈതലവിക്കോയയെ പോലീസ് അറസ്റ്റ് ചെയ്തു. (മലയാള മനോരമ- 2010 ഏപ്രില്‍ 22 വ്യാഴം)
വയനാട്ടിലെ പനമരത്തു നടന്ന ഒരു കൊലപാതകത്തെക്കുറിച്ച് മലയാള മനോരമ ദിനപത്രത്തില്‍ വന്ന വാര്‍ത്തയുടെ തുടക്കമാണിത്. തലക്കെട്ടില്‍ മാത്രമല്ല വാര്‍ത്തയിലുടനീളം പ്രതിയെക്കുറിച്ച് 'വ്യാജ സിദ്ധന്‍' എന്നുതന്നെയാണ്‌ പ്രയോഗിച്ചിരിക്കുന്നത്.
ആരാണീ 'വ്യാജ സിദ്ധന്‍'?
'വ്യാജമദ്യം' എന്നത് നമ്മള്‍ ഇടക്കിടെ കേള്‍ക്കുന്ന പ്രയോഗമാണ്‌. വ്യാജ മദ്യം എന്ന പേരില്‍ ഒരു മദ്യമുണ്ടോ? എല്ലാ മദ്യവും മദ്യം തന്നെയാണ്‌. അനധികൃതമായി ഉണ്ടാക്കുകയും വില്പന നടത്തുകയും ചെയ്യുന്ന മദ്യത്തെ വ്യാജ മദ്യമെന്ന് പറയുന്നു. അതായത് ഗവണ്മെന്റ് സ്പോണ്‍സേര്‍ഡ് മദ്യം ഒറിജിനലും അല്ലാത്തവ വ്യാജനും.
അപ്പോള്‍ അനധികൃതമായി സിദ്ധി പ്രകടിപ്പിക്കുന്നവര്‍ അല്ലെകില്‍ സിദ്ധിയുണ്ടെന്ന് മറ്റുള്ളവരെ വ്യാജമായി വിശ്വസിപ്പിച്ച് നടക്കുന്നവരാകണം വ്യാജ സിദ്ധന്‍. അപ്പോള്‍ ഒറിജിനല്‍ സിദ്ധനോ?
മറ്റ് മനുഷ്യര്‍ക്കില്ലാത്ത എന്തെങ്കിലും സിദ്ധികള്‍ ഉള്ളയാളായിരിക്കണം ഒറിജിനല്‍ സിദ്ധന്‍. അങ്ങനെയുള്ള ആരെങ്കിലുമുണ്ടോ? ഇല്ലെന്നു പറയാനാകില്ല. ഉദാഹരണത്തിന് മജീഷ്യന്‍.അടുത്ത ദിവസം പത്രത്തില്‍ വരുന്ന വാര്‍ത്ത മുന്‍ കൂട്ടി പ്രവചിച്ചിട്ടുള്ള മജീഷ്യന്മാരുണ്ട്. ശരീരത്തില്‍ ചങ്ങലയിട്ടുപൂട്ടി തീക്കുണ്ഠത്തില്‍നിന്നും റയില്‍ പാളത്തില്‍നിന്നും അല്‍ഭുതകരമായി രക്ഷപ്പെടുന്ന മജീഷ്യന്മാരെ നമുക്കറിയാം. അവരാരും തങ്ങള്‍ സിദ്ധന്മാരാണെന്ന് അവകാശപ്പെടുന്നില്ല. നിരന്തരമായ പരിശീലനത്തിലൂടെ നേടിയെടുത്തതാണ്‌ അവരുടെ 'സിദ്ധി'. അതാകട്ടെ 'അമാനുഷിക'വുമല്ല.
അപ്പോള്‍ ഇത്തരത്തില്‍ എന്തെങ്കിലും കഴിവുകള്‍ പരിശീലനത്തിലൂടെ ആര്‍ജിച്ചൊ പലപ്പോഴും പ്രത്യേകമായി ഒരു കഴിവുമില്ലാതെയോ അത് തങ്ങള്‍ക്ക് ലഭിച്ച 'ദൈവിക സിദ്ധി' യാണെന്ന് ക്ഷിപ്ര വിശ്വാസികളെ ധരിപ്പിച്ച് അവരെ വഞ്ചിച്ച്‌ ജീവിക്കുന്നവരാണ്‌ എല്ലാ 'സിദ്ധന്മാരും'.
'ശൂന്യത'യില്‍നിന്ന് ഭസ്മമെടുത്ത് കാണിക്കുന്ന ചെപ്പടിവിദ്യ മൂഢവിശ്വാസികള്‍ക്കുമുന്നില്‍ അവതരിപ്പിച്ച് തങ്ങളുടെ ദിവ്യത്വം പ്രകടിപ്പിക്കുന്ന ആള്‍ ദൈവങ്ങള്‍ മഹാ ദൈവങ്ങളായി വാഴുന്ന നാടാണിത്. അവരും ഈ ഗണത്തില്‍ പെടുത്താവുന്നവര്‍ തന്നെയാണ്‌. എല്ലാ സിദ്ധന്മാരും ഈയര്‍ത്ഥത്തില്‍ വ്യാജന്മാര്‍ തന്നെയാണ്‌. പിന്നെയെന്തിനാണ്‌ മനോരമ വ്യാജ സിദ്ധന്‍ എന്ന് പ്രയോഗിച്ചത്? ഇത് 'ചിലരെയെല്ലാം' സുഖിപ്പിക്കാനും തലോടാനുമുള്ള കച്ചവട തന്ത്രമാണ്‌.
സിദ്ധന്മാരും മന്ത്രവാദികളും ആള്‍ ദൈവങ്ങളുമെല്ലാം രണ്ടേ രണ്ട് തരക്കാരേയുള്ളു. 'കഴിക്കുന്നതിനുമുമ്പും, കഴിച്ചതിനു ശേഷവും' എന്ന് ഹെല്‍ത്ത് ടോണിക്കു കമ്പനിക്കാരുടെ പരസ്യം പോലെ 'പിടിക്കപ്പെടുന്നതിനു മുമ്പും, പിടിക്കപ്പെട്ടതിനു ശേഷവും' എന്ന രണ്ട് തരം മാത്രം.
പിടിക്കപ്പെടുന്നതിനുമുമ്പു വരെ എല്ലാ സിദ്ധന്മാരും (മനോരമയ്ക്ക്) ഒറിജിനല്‍ തന്നെയാണ്‌. പിടിക്കപ്പെട്ടാല്‍ അവര്‍ക്ക് വ്യാജ മുദ്ര ചാര്‍ത്തിക്കൊടുക്കുന്നു. ഇനിയും പിടിക്കപ്പെടാത്ത സിദ്ധന്മാരെ വെറുപ്പിച്ച് അപ്രീതി സമ്പാദിക്കണ്ടല്ലോ? കൂടാതെ സിദ്ധവിശ്വാസികളായ വിശ്വാസിക്കൂട്ടത്തെ സുഖിപ്പിക്കുകയുമാകാം. അവര്‍ക്ക് തങ്ങളുടെ സിദ്ധന്മാര്‍ വ്യാജന്മാരല്ലെന്ന് താല്‍കാലികമായെങ്കിലും ആശ്വസിക്കുകയും ചെയ്യാമല്ലോ.
സന്തോഷ് മാധവന്‍ എന്ന ആള്‍ ദൈവം പിടിക്കപ്പെടുന്നതുവരെ വിശ്വസികള്‍ക്ക് മാത്രമല്ല പത്രമാധ്യമങ്ങള്‍ക്കെല്ലാം ആരാധ്യനായിരുന്നു. ആ നരാധമന്റെയടുത്ത് ഭക്തശിരോമണികളായ ഭര്‍ത്താക്കന്മാര്‍ തങ്ങളുടെ ഭാര്യമാരെയും പിതാക്കള്‍ പുത്രിമാരെയും സഹോദരങ്ങള്‍ സഹോദരിമാരെയും ഭക്തിപൂര്‍വ്വം എത്തിച്ച് ഭക്തിലഹരിയിലാണ്ട് സായൂജ്യമടഞ്ഞു. പിടിക്കപ്പെട്ടപ്പോല്‍ സന്തോഷ് മാധവന്‍ വ്യാജനായി. അന്നും കൊമ്പന്‍ സ്രാവുകളായി വളര്‍ന്നുക്കഴിഞ്ഞ ആള്‍ ദൈവങ്ങളെ തൊട്ടുകളിക്കാന്‍ ഒരു മാധ്യമവും തയ്യാറായില്ലെന്നു മാത്രമല്ല വരരുടെ പരിചയായി നില്‍ക്കുകയും ചെയ്തു.
ആ സംഭവത്തിനുശേഷം മാധ്യമങ്ങള്‍ മല്‍സരിച്ചു നടത്തിയ 'ആള്‍ ദൈവ വേട്ട' അവര്‍ എന്നേ മറന്നു. ക്ഷിപ്ര വിശ്വാസികളും മറന്നു. അപ്പോള്‍ 'ചെറിയ' സന്തോഷ് മാധവന്മാര്‍ വളര്‍ന്ന് വലുതായി സമ്പത്ത് കുന്നു കൂട്ടി അതിന്മേല്‍ സാമ്രാജ്യങ്ങള്‍ സ്ഥാപിച്ചുകൊണ്ടിരുന്നു.
പിടിക്കപ്പെടാതെ ഒന്നു രണ്ട് വര്‍ഷം കൂടി വിരാജിക്കാന്‍ കഴിഞ്ഞിരുന്നെങ്കില്‍ സന്തോഷ് മാധവനും മറ്റൊരു സായി ബാബയോ അമൃതാനന്ദമയിയോ ശ്രീ ശ്രീയോ ആകുമായിരുന്നു എന്നതിന്‌ യാതൊരു സംശയവും വേണ്ട.
പത്രധര്‍മ്മത്തിന്റെ 'മഹത്വം' ചാരിത്ര്യ പ്രസംഗം നടത്തുന്ന പത്രങ്ങള്‍ക്കിടയില്‍ കിട്ടാവുന്ന മറ്റു പത്രങ്ങളും പരതി. ജില്ലാ എഡിഷന്റെ വ്യത്യാസം കൊണ്ടാകാം, മിക്ക പത്രങ്ങളിലും ആ വാര്‍ത്ത കണ്ടെത്താനായില്ല. മാന്യമായി പത്ര പ്രവര്‍ത്തനം നടത്തുന്ന ചെറുതെങ്കിലും തന്റേടമുള്ള ഒരു പത്രം കണ്ടുകിട്ടി. ജനയുഗം. തലക്കെട്ട് ഇങ്ങനെ: ' മൃഗാശുപത്രി ജീവനക്കാരിയെ കൊലപ്പെടുത്തിയ യുവ മന്ത്രവാദി പിടിയില്‍.'
മനോരമ വ്യാജ മുദ്ര നല്‍കി 'ആദരിച്ച' സൈതലവി സിദ്ധന്റെ പശ്ചാത്തലവും ജനയുഗം പുറത്തു വിടുന്നുണ്ട്. പരമ്പരാഗതമായി മന്ത്രവാദചികില്‍സ നടത്തുന്ന കുടുംബത്തിലെ അംഗമാണ്‌ അറാസ്റ്റിലായ സൈതലവി.
അപ്പോള്‍ ഈ സിദ്ധന്‍ പര‍മ്പരാഗതമായിത്തന്നെ വ്യാജനാണോ മനോരമേ!!!!!!!
Sunday, May 9, 2010
Saturday, April 24, 2010
'നിര്‍ഗുണ പരബ്രഹ്മം- ഒലക്കന്റെ മൂട്'- ചര്‍ച്ച @ ചായക്കട
'ഞാനും നിങ്ങളൊക്കെ ഇപ്പം ഈ സംസാരിക്കണുണ്ടല്ലോ? എഴുന്നേറ്റ്‌ നടക്കണുംണ്ടല്ലോ? അതെങ്ങന്യാണ്‌? നായും പട്ടീം പൂച്യൊന്നും സംസാരിക്കണില്ലല്ലോ. അതാ പറഞ്ഞത് ഇതിന്ത്യോക്കെ പിന്ന്‌ലൊര്‌ ശക്തിണ്ട്‌ന്നു്‌. അത്വന്ന്യാണ്‌ ദൈവം.'- ഗോപാലന്‍ മാഷ് കത്തിക്കയറുകയാണ്‌.
'അല്ല മാഷേ, ഈ 'ശക്തീ'ന്ന് പറയണത് നിങ്ങള്‌ ഊര്‍ജ്ജതന്ത്രത്തില്‍ പിഠിപ്പിക്കണ ആ 'ശക്തി' തന്ന്യാണോ? അതായത് എനര്‍ജി?'
'അല്ലല്ലല്ല..... അത് പ്രകൃതിശക്തി. ഇത് പ്രകൃത്യാതീത ശക്ത്യാണ്‌.'
'ഈ പ്രകൃതി ശക്തീകളായ കാറ്റ്, ഇടമിന്നല്‍, മഴ, വൈദ്യുതി ഇവയ്ക്കൊന്നും ബോധമില്ലല്ലോ? അതായത്, ഗോപാലന്മാഷ്, മമ്മാലിക്ക, അപ്പുട്ടി, ജോസഫ് എന്നൊന്നുള്ള വകഭേദംല്ല്യ. കരണ്ട്‌മ്മ്‌ല്‌ ആര് തൊട്ടാലും ഷോക്കടിക്ക്യല്ലോ? ഇങ്ങള്‌ പറേണ പ്രകൃത്യതീത ശക്തിയും അത്പോലെ തന്നെയാണോ? ബൊധംല്ല്യേ?'
'ആ ആ അത്...'
'മാഷേ, ഇങ്ങള്‌ സാവകാശം ആലോചിച്ച് പറാഞ്ഞാ മതീന്ന്, തെരക്ക് കൂട്ടണ്ട.'
'ആ അതായത്... ദൈവം നിര്‍ഗുണ നിരാകാര പരബ്രഹ്മമാണ്‌.'
'എന്തേയ്നും?'-
-മമ്മാലിക്കയ്ക്ക് അപ്പറഞ്ഞത് അത്രയ്ക്കങ്ങ് മനസ്സിലായില്ലാന്നു തോന്നുന്നു.
'അതായത്... ബ്രഹ്മം അനാദിയാണ്‌; അപരിമേയമാണ്‌... മനുഷ്യന്റെ അളവുകോല്‍ വെച്ച് അതിനെ അളക്കാന്‍ കഴിയില്ല. മനുഷ്യന് ആരോപിക്കുന്ന ഗുണങ്ങളൊന്നും അതിന്‌ കല്പ്പിക്കാന്‍ കഴിയില്ല. അതുകൊണ്ട് ദൈവത്തിന്‌ ബൊധമുണ്ടൊ ഇല്ലേന്നൊന്നും ചോദിക്കണേലര്‍ത്ഥമില്ല. അതിന്‌ പ്രത്യേക രൂപമില്ല. ആരോടും വകഭേദമില്ല. അതിന്‌ മുന്നില്‍ വലിയവനും ചെറിയവനുമില്ല.'
'നിങ്ങള്‌ നല്ലോണം അളന്നു മുറിച്ചാണല്ലോ മാഷേ ദൈവത്തെക്കുറിച്ച് പറേണത്? മനുഷ്യന്റെ അളവുകോല്‍ വെച്ച് അളക്കാന്‍ കഴിയില്ലെന്നും പറയുന്നു. പിന്നെ ആരാ മാഷേ നിങ്ങക്ക് ദൈവത്തെ ഇത്ര കൃത്യമായി അളന്നുതൂക്കി തന്നത്?'
'അപ്പുട്ട്യേ, ഇജ്ജ് എടെക്കേറി ഏടങ്കോല്‌ടേര്ത്.' -
-മമ്മാലിക്ക ഇടപെട്ടു.
'നിര്‍ഗുണ പരബ്രഹ്മം- ഒലക്കന്റെ മൂട്.- ന്നട്ടാണോ മാഷേ നിങ്ങള്‌ രാവില്യേം വൈകിട്ടും അമ്പലത്തില് പോയി പ്രാര്‍ഥിക്ക്യേം വഴിപാട് കഴിക്ക്യേം ഒക്കെ ചെയ്യണത്? നിര്‍ഗുണ പരബ്രഹ്മമാണെങ്കില്‍ പിന്നെ മാഷ് പറഞ്ഞ മാതിരി പ്രര്‍ഥിക്കണോലോടും അല്ലാത്തോലോടും ഒരു വകഭേദും ഉണ്ടാകൂലല്ലോ. നിര്‍ഗുണമാണെങ്കില്‍ പിന്നെ ഒരു ഒരു വിശേഷഗുണും ഉണ്ടാകൂല. പിന്നെ വഴിപാട് കൊണ്ടെന്താ കാര്യം?'
'അപ്പുട്ട്യേ, ഇയ്യി അറ്യാത്ത കാര്യത്തീക്കേറി വര്‍ത്താനം പറേര്‌‍ത്. ഇതാ യുക്തിവാദികള്‍ടെ കൊഴപ്പം. അവനാന്‌ അറ്യൂലാച്ചിട്ട് ഒക്കെ ഇല്ല്യാന്ന് പറ്യാന്‍ പറ്റ്വോ? നമ്മക്കാര്‍ക്കും അറ്യാത്തതായി എത്ര കാര്യങ്ങള്‌ണ്ട് ലോകത്ത്? അതൊന്നും ഇല്ല്യാന്നാ അതിന്റെ അര്‍ത്ഥം?'
'അല്ല മാഷേ, അതിന്‌ ഇല്ല്യാന്നും ഉണ്ട്ന്നും ഞങ്ങളാരും പറഞ്ഞില്ലല്ലോ? മാഷല്ലെ പറഞ്ഞത് പ്രകൃത്യാതീത ശക്തിണ്ട്‌ന്ന്‌?' നിര്‍ഗുണ പരബ്രഹ്മമാകുമ്പം അത് നമ്മുടെ പ്രാര്‍തനകളൊക്കെ കേള്‍ക്ക്വോ? വഴിപാട് സ്വീകരിക്ക്യോ? എന്നിട്ട് പ്രര്‍ഥനയുടേയും വഴിപാടിന്റെയും അളവ് നോക്കി പ്രതിഫലം തര്വോ?'
-അപ്പുട്ടിയേട്ടന്‍ വിടുന്ന മട്ടില്ല.
'അതായത്, നിര്‍ഗുണ പരബ്രഹ്മം എന്നൊക്കെ പറഞ്ഞാല്‍ അത് ജ്ഞാനികള്‍ക്കേ മനസ്സിലാകൂ. തന്നെതന്നെ അറിഞ്ഞവര്‍ക്ക്. ബ്രഹ്മത്തെ അറഞ്ഞവനാണ്‌ ജ്ഞാനി. അല്ലാത്ത സാധാരണക്കാര്‍ക്ക് വേണ്ടി ഏര്‍പ്പാടാക്കിയതാണ്‌ ഈ വിഗ്രഹാരാധനയും പ്രാര്‍ഥനയും വഴിപാടുമൊക്കെ'
അപ്പോ നിങ്ങക്ക് തീരെ ജ്ഞാനം ഇല്ലേ മാഷേ? എന്നാപിന്നെ അറ്യാത്ത കാര്യങ്ങള്‍ പറയാത് ഇരുന്നൂടേ? ജ്ഞാനമില്ലാത്തോര്‍ക്ക് പറഞ്ഞുവെച്ചതൊക്കെ നിങ്ങള്‌ ചെയ്യണോണ്ട് ചോദിച്ചതാ.'
'ഓ.. ന്റെ അപ്പുട്ട്യേ, ഇജ്ജ് ദൊന്ന് കേക്കാനും സമ്മതിക്ക്യൂലേ?-
മമ്മാലിക്ക അക്ഷമനായി.
'അതായത്, ദൈവത്തെ നമുക്ക് നിര്‍ഗുണമായും സഗുണമായും കാണാം. ജ്ഞാനികള്‍ അതിനെ നിര്‍ഗുണമായി കാണുന്നു. അവര്‍ക്ക് ദൈവവുമായി അടുക്കാന്‍ അമ്പലവും പ്രാര്‍ഥനയും വഴിപാടുമൊന്നും വേണ്ട. പക്ഷേ സാധാരണക്കാരുടേ കാര്യം അതല്ലല്ലോ? വെള്ളത്തെ വിവിധ ആകൃതിയിലുള്ള പാത്രത്തില്‍ എടുക്കുമ്പോള്‍ അത് പാത്രത്തിന്റെ ആകൃതി കൈക്കൊള്ളുന്നു. അതുപോലെയാണ്‌ പരബ്രഹ്മവും. അതിനെ നമ്മള്‍ ശിവനായും, ബ്രഹ്മാവായും വിഷ്ണുവായും പലരൂപത്തില്‍ കാണുന്നു. മുപ്പത്തിമുക്കോടി ദൈവങ്ങള്‍ എന്നൊക്കെ പറയുന്നത് ഇതേ പരബ്രഹ്മത്തിന്റെ തന്നെ വ്യത്യസ്ത സങ്കല്പ്പങ്ങളാണ്‌.'
'അതായത് വിഗ്രഹത്തില്‍ നമ്മള്‍ ബ്രഹ്മത്തെത്തന്നെയാണ്‌ കാണുന്നത്. അല്ലെങ്കിലും ഈ ലോകത്ത് വിഗ്രഹാരാധകരല്ലാത്തതായി ആരാണുള്ളത്? നമ്മുടെ ദേശീയ പതാകയെ നോക്കൂ. അതില്‍ നമ്മള്‍ ദേശീയതതെ സങ്കല്പിക്കുന്നില്ലേ? വിപ്ലവപാര്‍ട്ടിക്കാരുടേ ചെങ്കൊടി നോക്കൂ. അവര്‍ അതിനെ വിപ്ലവത്തിന്റെ പ്രതിരൂപമായി കാണുന്നില്ലേ? രക്തസാക്ഷി മണ്ഡപത്തില്‍ പുഷ്പാര്‍ച്ചന നടത്തുന്നില്ലേ? കൃസ്ത്യാനികളുടേ കുരിശും, ദിവ്യന്മാരുടേ പ്രതിമകളും വിഗ്രഹങ്ങള്‍ തന്നെയല്ലേ? മുസ്ലിംകള്‍ ആരാധിക്കുന്ന ആ കറുത്തകല്ലും വിഗ്രഹമല്ലാതെ മറ്റെന്താണ്‌?
ഒടുവില്‍ പറഞ്ഞത് മമ്മാലിക്കക്ക് അത്ര ഇഷ്ടമായില്ലെന്നു തോന്നുന്നു.
'അപ്പോ ഇതിലൊക്കെ അത്രേള്ളു, ല്ലേ മാഷേ?'
'അതെയതെ. വിഗ്രഹാരാധനയിലൊക്കെ അത്രേള്ളു'
'എന്നാലൊന്ന് ചോദിക്കട്ടെ മാഷെ, ദേശീയ പതാകയും ചെങ്കൊടിയും, രക്തസാക്ഷി മണ്ഡപവുമൊന്നും നിര്‍മ്മിക്കുമ്പോള്‍ ആരും അതിലേക്ക് ദേശീയതയും വിപ്ലവത്തെയും രക്തസാക്ഷിയെയുമൊന്നും ആവാഹിച്ച് കുടിയിരുത്തുന്നില്ലല്ലോ? എന്നാല്‍ വിഗ്രഹം പ്രതിഷ്ഠിക്കുമ്പോള്‍ അതിലേക്ക് പൂജാരികള്‍ ദൈവത്തെ ആവാഹിച്ച് കുടിയിരുത്തുകയാണെന്നാണല്ലോ പറയുന്നത്? അമ്പലം ഉണ്ടാക്കുന്നതിനേക്കാള്‍ കൂടുതല്‍ പണം ആവാഹിക്കാനും ആവാഹകരെ പോറ്റാണുമാണല്ലോ മാഷേ ചെലവഴിക്കുന്നത്?'
'അപ്പുട്ട്യേ, അണക്ക് അറ്യാത്തകാര്യാണെങ്കില്‍ വെറ്തെ ഓരോന്ന് പര്യേര്‌ത്. ട്ടോ.'
'അല്ല മാഷേ, നിങ്ങള്‌ അറ്യണ ആളായതോണ്ടല്ലേ ചോദിക്കണത്? വിഗ്രഹത്തില്‍ ദൈവത്തെ സങ്കല്പ്പിച്ചിട്ടേ ഉള്ളുവെങ്കില്‍ പിന്നെ എന്തിനാണ്‌ നിങ്ങല്‍ പ്രാര്‍ഥിക്കാന്‍ അവിടെത്തന്നെ പോണത്? അമ്പലത്തില് വഴിപാട് നടത്തണതെന്തിനാണ്‌? എന്തിലെങ്കിലും ദൈവത്തെ സങ്കല്പ്പിച്ചെ തീരൂവെങ്കില്‍ വീട്ടിലെ മേശയിലോകസേരയിലോ ടി വി സ്റ്റാന്റിലോ ദൈവത്തെ സങ്കല്പ്പിച്ചിട്ട് പ്രാര്‍ഥിച്ചാല്‍ പോരെ?'
' ഇജ്ജൊന്ന് മുണ്ടാതെക്കെന്റെ അപ്പുട്ട്യേ. ആ മാഷെ ഇങ്ങനെ വെള്ളം കുടിപ്പിക്കാതെ'
മമ്മാലിക്ക രംഗം തണുപ്പിക്കാന്‍ ശ്രമിച്ചു.
'അതാണ്‌ മമ്മാല്യേ കാര്യം. ഈ യുക്തിവാദ്യേക്ക് എന്തെങ്കില്വോക്കെ പറഞ്ഞ് വാദിക്കനന്നേ ഉള്ളു. ഓലെ ബുദ്ധിക്ക് "വാതം" പിടിച്ചിരിക്ക്യല്ലേ? ഇക്ക്യാണെങ്കി പോകാന്‍ തെരക്കുംണ്ട്. അമ്പലത്തിലൊന്ന് പോണം ഒരു ശത്രുസംഹാര "മുട്ടറുക്കല്‍" വഴിപാട് കഴിക്യാന്‌ണ്ടേ.
'അല്ല മാഷേ, ഈ 'ശക്തീ'ന്ന് പറയണത് നിങ്ങള്‌ ഊര്‍ജ്ജതന്ത്രത്തില്‍ പിഠിപ്പിക്കണ ആ 'ശക്തി' തന്ന്യാണോ? അതായത് എനര്‍ജി?'
'അല്ലല്ലല്ല..... അത് പ്രകൃതിശക്തി. ഇത് പ്രകൃത്യാതീത ശക്ത്യാണ്‌.'
'ഈ പ്രകൃതി ശക്തീകളായ കാറ്റ്, ഇടമിന്നല്‍, മഴ, വൈദ്യുതി ഇവയ്ക്കൊന്നും ബോധമില്ലല്ലോ? അതായത്, ഗോപാലന്മാഷ്, മമ്മാലിക്ക, അപ്പുട്ടി, ജോസഫ് എന്നൊന്നുള്ള വകഭേദംല്ല്യ. കരണ്ട്‌മ്മ്‌ല്‌ ആര് തൊട്ടാലും ഷോക്കടിക്ക്യല്ലോ? ഇങ്ങള്‌ പറേണ പ്രകൃത്യതീത ശക്തിയും അത്പോലെ തന്നെയാണോ? ബൊധംല്ല്യേ?'
'ആ ആ അത്...'
'മാഷേ, ഇങ്ങള്‌ സാവകാശം ആലോചിച്ച് പറാഞ്ഞാ മതീന്ന്, തെരക്ക് കൂട്ടണ്ട.'
'ആ അതായത്... ദൈവം നിര്‍ഗുണ നിരാകാര പരബ്രഹ്മമാണ്‌.'
'എന്തേയ്നും?'-
-മമ്മാലിക്കയ്ക്ക് അപ്പറഞ്ഞത് അത്രയ്ക്കങ്ങ് മനസ്സിലായില്ലാന്നു തോന്നുന്നു.
'അതായത്... ബ്രഹ്മം അനാദിയാണ്‌; അപരിമേയമാണ്‌... മനുഷ്യന്റെ അളവുകോല്‍ വെച്ച് അതിനെ അളക്കാന്‍ കഴിയില്ല. മനുഷ്യന് ആരോപിക്കുന്ന ഗുണങ്ങളൊന്നും അതിന്‌ കല്പ്പിക്കാന്‍ കഴിയില്ല. അതുകൊണ്ട് ദൈവത്തിന്‌ ബൊധമുണ്ടൊ ഇല്ലേന്നൊന്നും ചോദിക്കണേലര്‍ത്ഥമില്ല. അതിന്‌ പ്രത്യേക രൂപമില്ല. ആരോടും വകഭേദമില്ല. അതിന്‌ മുന്നില്‍ വലിയവനും ചെറിയവനുമില്ല.'
'നിങ്ങള്‌ നല്ലോണം അളന്നു മുറിച്ചാണല്ലോ മാഷേ ദൈവത്തെക്കുറിച്ച് പറേണത്? മനുഷ്യന്റെ അളവുകോല്‍ വെച്ച് അളക്കാന്‍ കഴിയില്ലെന്നും പറയുന്നു. പിന്നെ ആരാ മാഷേ നിങ്ങക്ക് ദൈവത്തെ ഇത്ര കൃത്യമായി അളന്നുതൂക്കി തന്നത്?'
'അപ്പുട്ട്യേ, ഇജ്ജ് എടെക്കേറി ഏടങ്കോല്‌ടേര്ത്.' -
-മമ്മാലിക്ക ഇടപെട്ടു.
'നിര്‍ഗുണ പരബ്രഹ്മം- ഒലക്കന്റെ മൂട്.- ന്നട്ടാണോ മാഷേ നിങ്ങള്‌ രാവില്യേം വൈകിട്ടും അമ്പലത്തില് പോയി പ്രാര്‍ഥിക്ക്യേം വഴിപാട് കഴിക്ക്യേം ഒക്കെ ചെയ്യണത്? നിര്‍ഗുണ പരബ്രഹ്മമാണെങ്കില്‍ പിന്നെ മാഷ് പറഞ്ഞ മാതിരി പ്രര്‍ഥിക്കണോലോടും അല്ലാത്തോലോടും ഒരു വകഭേദും ഉണ്ടാകൂലല്ലോ. നിര്‍ഗുണമാണെങ്കില്‍ പിന്നെ ഒരു ഒരു വിശേഷഗുണും ഉണ്ടാകൂല. പിന്നെ വഴിപാട് കൊണ്ടെന്താ കാര്യം?'
'അപ്പുട്ട്യേ, ഇയ്യി അറ്യാത്ത കാര്യത്തീക്കേറി വര്‍ത്താനം പറേര്‌‍ത്. ഇതാ യുക്തിവാദികള്‍ടെ കൊഴപ്പം. അവനാന്‌ അറ്യൂലാച്ചിട്ട് ഒക്കെ ഇല്ല്യാന്ന് പറ്യാന്‍ പറ്റ്വോ? നമ്മക്കാര്‍ക്കും അറ്യാത്തതായി എത്ര കാര്യങ്ങള്‌ണ്ട് ലോകത്ത്? അതൊന്നും ഇല്ല്യാന്നാ അതിന്റെ അര്‍ത്ഥം?'
'അല്ല മാഷേ, അതിന്‌ ഇല്ല്യാന്നും ഉണ്ട്ന്നും ഞങ്ങളാരും പറഞ്ഞില്ലല്ലോ? മാഷല്ലെ പറഞ്ഞത് പ്രകൃത്യാതീത ശക്തിണ്ട്‌ന്ന്‌?' നിര്‍ഗുണ പരബ്രഹ്മമാകുമ്പം അത് നമ്മുടെ പ്രാര്‍തനകളൊക്കെ കേള്‍ക്ക്വോ? വഴിപാട് സ്വീകരിക്ക്യോ? എന്നിട്ട് പ്രര്‍ഥനയുടേയും വഴിപാടിന്റെയും അളവ് നോക്കി പ്രതിഫലം തര്വോ?'
-അപ്പുട്ടിയേട്ടന്‍ വിടുന്ന മട്ടില്ല.
'അതായത്, നിര്‍ഗുണ പരബ്രഹ്മം എന്നൊക്കെ പറഞ്ഞാല്‍ അത് ജ്ഞാനികള്‍ക്കേ മനസ്സിലാകൂ. തന്നെതന്നെ അറിഞ്ഞവര്‍ക്ക്. ബ്രഹ്മത്തെ അറഞ്ഞവനാണ്‌ ജ്ഞാനി. അല്ലാത്ത സാധാരണക്കാര്‍ക്ക് വേണ്ടി ഏര്‍പ്പാടാക്കിയതാണ്‌ ഈ വിഗ്രഹാരാധനയും പ്രാര്‍ഥനയും വഴിപാടുമൊക്കെ'
അപ്പോ നിങ്ങക്ക് തീരെ ജ്ഞാനം ഇല്ലേ മാഷേ? എന്നാപിന്നെ അറ്യാത്ത കാര്യങ്ങള്‍ പറയാത് ഇരുന്നൂടേ? ജ്ഞാനമില്ലാത്തോര്‍ക്ക് പറഞ്ഞുവെച്ചതൊക്കെ നിങ്ങള്‌ ചെയ്യണോണ്ട് ചോദിച്ചതാ.'
'ഓ.. ന്റെ അപ്പുട്ട്യേ, ഇജ്ജ് ദൊന്ന് കേക്കാനും സമ്മതിക്ക്യൂലേ?-
മമ്മാലിക്ക അക്ഷമനായി.
'അതായത്, ദൈവത്തെ നമുക്ക് നിര്‍ഗുണമായും സഗുണമായും കാണാം. ജ്ഞാനികള്‍ അതിനെ നിര്‍ഗുണമായി കാണുന്നു. അവര്‍ക്ക് ദൈവവുമായി അടുക്കാന്‍ അമ്പലവും പ്രാര്‍ഥനയും വഴിപാടുമൊന്നും വേണ്ട. പക്ഷേ സാധാരണക്കാരുടേ കാര്യം അതല്ലല്ലോ? വെള്ളത്തെ വിവിധ ആകൃതിയിലുള്ള പാത്രത്തില്‍ എടുക്കുമ്പോള്‍ അത് പാത്രത്തിന്റെ ആകൃതി കൈക്കൊള്ളുന്നു. അതുപോലെയാണ്‌ പരബ്രഹ്മവും. അതിനെ നമ്മള്‍ ശിവനായും, ബ്രഹ്മാവായും വിഷ്ണുവായും പലരൂപത്തില്‍ കാണുന്നു. മുപ്പത്തിമുക്കോടി ദൈവങ്ങള്‍ എന്നൊക്കെ പറയുന്നത് ഇതേ പരബ്രഹ്മത്തിന്റെ തന്നെ വ്യത്യസ്ത സങ്കല്പ്പങ്ങളാണ്‌.'
'അതായത് വിഗ്രഹത്തില്‍ നമ്മള്‍ ബ്രഹ്മത്തെത്തന്നെയാണ്‌ കാണുന്നത്. അല്ലെങ്കിലും ഈ ലോകത്ത് വിഗ്രഹാരാധകരല്ലാത്തതായി ആരാണുള്ളത്? നമ്മുടെ ദേശീയ പതാകയെ നോക്കൂ. അതില്‍ നമ്മള്‍ ദേശീയതതെ സങ്കല്പിക്കുന്നില്ലേ? വിപ്ലവപാര്‍ട്ടിക്കാരുടേ ചെങ്കൊടി നോക്കൂ. അവര്‍ അതിനെ വിപ്ലവത്തിന്റെ പ്രതിരൂപമായി കാണുന്നില്ലേ? രക്തസാക്ഷി മണ്ഡപത്തില്‍ പുഷ്പാര്‍ച്ചന നടത്തുന്നില്ലേ? കൃസ്ത്യാനികളുടേ കുരിശും, ദിവ്യന്മാരുടേ പ്രതിമകളും വിഗ്രഹങ്ങള്‍ തന്നെയല്ലേ? മുസ്ലിംകള്‍ ആരാധിക്കുന്ന ആ കറുത്തകല്ലും വിഗ്രഹമല്ലാതെ മറ്റെന്താണ്‌?
ഒടുവില്‍ പറഞ്ഞത് മമ്മാലിക്കക്ക് അത്ര ഇഷ്ടമായില്ലെന്നു തോന്നുന്നു.
'അപ്പോ ഇതിലൊക്കെ അത്രേള്ളു, ല്ലേ മാഷേ?'
'അതെയതെ. വിഗ്രഹാരാധനയിലൊക്കെ അത്രേള്ളു'
'എന്നാലൊന്ന് ചോദിക്കട്ടെ മാഷെ, ദേശീയ പതാകയും ചെങ്കൊടിയും, രക്തസാക്ഷി മണ്ഡപവുമൊന്നും നിര്‍മ്മിക്കുമ്പോള്‍ ആരും അതിലേക്ക് ദേശീയതയും വിപ്ലവത്തെയും രക്തസാക്ഷിയെയുമൊന്നും ആവാഹിച്ച് കുടിയിരുത്തുന്നില്ലല്ലോ? എന്നാല്‍ വിഗ്രഹം പ്രതിഷ്ഠിക്കുമ്പോള്‍ അതിലേക്ക് പൂജാരികള്‍ ദൈവത്തെ ആവാഹിച്ച് കുടിയിരുത്തുകയാണെന്നാണല്ലോ പറയുന്നത്? അമ്പലം ഉണ്ടാക്കുന്നതിനേക്കാള്‍ കൂടുതല്‍ പണം ആവാഹിക്കാനും ആവാഹകരെ പോറ്റാണുമാണല്ലോ മാഷേ ചെലവഴിക്കുന്നത്?'
'അപ്പുട്ട്യേ, അണക്ക് അറ്യാത്തകാര്യാണെങ്കില്‍ വെറ്തെ ഓരോന്ന് പര്യേര്‌ത്. ട്ടോ.'
'അല്ല മാഷേ, നിങ്ങള്‌ അറ്യണ ആളായതോണ്ടല്ലേ ചോദിക്കണത്? വിഗ്രഹത്തില്‍ ദൈവത്തെ സങ്കല്പ്പിച്ചിട്ടേ ഉള്ളുവെങ്കില്‍ പിന്നെ എന്തിനാണ്‌ നിങ്ങല്‍ പ്രാര്‍ഥിക്കാന്‍ അവിടെത്തന്നെ പോണത്? അമ്പലത്തില് വഴിപാട് നടത്തണതെന്തിനാണ്‌? എന്തിലെങ്കിലും ദൈവത്തെ സങ്കല്പ്പിച്ചെ തീരൂവെങ്കില്‍ വീട്ടിലെ മേശയിലോകസേരയിലോ ടി വി സ്റ്റാന്റിലോ ദൈവത്തെ സങ്കല്പ്പിച്ചിട്ട് പ്രാര്‍ഥിച്ചാല്‍ പോരെ?'
' ഇജ്ജൊന്ന് മുണ്ടാതെക്കെന്റെ അപ്പുട്ട്യേ. ആ മാഷെ ഇങ്ങനെ വെള്ളം കുടിപ്പിക്കാതെ'
മമ്മാലിക്ക രംഗം തണുപ്പിക്കാന്‍ ശ്രമിച്ചു.
'അതാണ്‌ മമ്മാല്യേ കാര്യം. ഈ യുക്തിവാദ്യേക്ക് എന്തെങ്കില്വോക്കെ പറഞ്ഞ് വാദിക്കനന്നേ ഉള്ളു. ഓലെ ബുദ്ധിക്ക് "വാതം" പിടിച്ചിരിക്ക്യല്ലേ? ഇക്ക്യാണെങ്കി പോകാന്‍ തെരക്കുംണ്ട്. അമ്പലത്തിലൊന്ന് പോണം ഒരു ശത്രുസംഹാര "മുട്ടറുക്കല്‍" വഴിപാട് കഴിക്യാന്‌ണ്ടേ.
Sunday, April 4, 2010
അവിശ്വാസി പരലോകത്തില്‍
(അപ്പൂട്ടന്റെ യുക്തിവാദിയെന്നത്‌ വട്ടപ്പേരോ? എന്ന പോസ്റ്റില്‍ ഇട്ട ഒരു കമന്റാണിത്. )
-----------------------------------------------------------
അപ്പൂട്ടന്‍ said...
സുശീൽ,
പണ്ടൊരു പോസ്റ്റ് കണ്ടിരുന്നു, ആരാണ്‌ എഴുതിയതെന്ന്‌ ഓർമ്മയില്ലാത്തതിനാൽ പേര്‌ ഊഹിച്ചു പറയുന്നില്ല. പുനർജ്ജന്മവിശ്വാസികൾ, ഏകജന്മ(സ്വർഗ്ഗ-നരക) വിശ്വാസികൾ, നിരീശ്വരവാദികൾ എന്നിങ്ങിനെ മൂന്നു ഗ്രൂപുകളിൽ ദൈവമുണ്ടെന്നു വരികിൽ ഏറ്റവും വലിയ നഷ്ടം നിരീശ്വരവാദികൾക്കായിരിക്കുമെന്ന്‌, കാരണം മതവിശ്വാസങ്ങളിൽ പറയുന്ന ശിക്ഷകൾ ഏറ്റുവാങ്ങേണ്ടത്‌ അവരായിരിക്കുമല്ലൊ. ഇതേ വിശ്വാസം, അല്ലെങ്കിൽ മറിച്ച്‌, എത്രപേർക്കുണ്ടെന്നറിയില്ല, പക്ഷെ ചിലരെങ്കിലും "ഈ പറയുന്നതൊക്കെ തെറ്റാണെന്നറിയാം, എന്നാലും എങ്ങാനും ശരിയായാലോ" എന്ന ചിന്തയുള്ളവരാണ്‌.
-------------------------------------------------------------------
> അപ്പൂട്ടന്‍,
ഇത് വളരെ രസകരമായ ഒരു വിഷയമാണ്‌. അപ്പൂട്ടന്റെ പോസ്റ്റുമായി ബന്ധമില്ലെങ്കിലും പറയട്ടെ.
മതവിശ്വാസികളും നിരീശ്വരവാദികളും മരിച്ച് പരലോകത്ത് ചെല്ലുന്ന ചില രംഗങ്ങള്‍:
1. ഒരു വിഗ്രാരാധകനായ ഹിന്ദുമതവിശ്വസിയാണ്‌ മരിച്ചശേഷം പരലോകത്ത് എത്തുന്നത് എന്നിരിക്കട്ടെ. അവിടെ അദ്ദേഹം കാണുന്നത് മുസ്ലിംകളുടെ അല്ലാഹുവിനെയും. എന്താകും പുകല്?
അല്ലാഹുവല്ലാത്ത ഒരു ദൈവത്തെ ആരാധിക്കുന്നതാണ്‌ ഒരു മനുഷ്യന് ചെയ്യാവുന്നതില്‍ വെച്ച് ഏറ്റവും വലിയ തെറ്റെന്ന് ഖുര്‍: അനില്‍ പറയുന്നുണ്ട്. അവര്‍ക്കുള്ള ശിക്ഷ നിത്യനരകമാണ്‌. ജീവിതകാലം മുഴുവന്‍ വിശ്വസിച്ചാരാധിച്ച ആ സാധുവിനെ നരകത്തീയിലിട്ട് റോസ്റ്റ് ചെയ്യില്ലേ?
2. സത്യവും ജീവനും ഞാനാകുന്നുവെന്നും രക്ഷ എന്നില്‍കൂടി മാത്രമെന്നും പറഞ്ഞ കൃസ്ത്യന്‍ ദൈവത്തെയാണ്‌ ഒരു മുസ്ലിം ഭക്തന്‍ മരിച്ചുചെല്ലുമ്പോള്‍ പരലോകത്തില്‍ കാണുന്നതെങ്കിലും ഫലം ഇതു തന്നെ.
3. ഇനി ജീവിതകാലം മുഴുവന്‍ അല്ലാഹുവിനെ ആരാധിച്ചു ജീവിച്ച് മരിച്ച ഒരു ദീനി വിശ്വാസി ഹിന്ദു ദൈവങ്ങളുടെ മുന്നിലാണ്‌ എത്തുന്നതെങ്കിലോ? അവനെ വല്ല പട്ടിയോ പൂച്ചയോ പുഴുവോ കൃമിയോ ആയി പുനര്‍ജനിപ്പിച്ചു ഭൂമിയിലേക്കുതന്നെ അയക്കില്ലേ?
4. എന്നാല്‍ ജീവിതത്തില്‍ ഒരിക്കലും മതം ആചരിക്കാത്ത ഒരു നിരീശ്വരവാദി ഇതില്‍ ഏത് ദൈവത്തിന്റെ മുന്നില്‍ എത്തിയാലും അന്തായിരിക്കും സംഭവിക്കുക?
ദൈവം: എന്താണ്‌ ഒരു നിരീശ്വരവാദിയായി ജീവിച്ചത്? അത് തെറ്റാണെന്നറിയില്ലേ?
നിരീശ്വരവാദി: പലരും പല ദൈവത്തിലാണ്‌ വിശ്വസിരുന്നത്. ഏതാണ്‌ നേരന്നറിയാന്‍ മാര്‍ഗ്ഗമില്ലായിരുന്നു. നിസ്സാരനായ മനുഷ്യന് ദൈവം ഉണ്ടോ എന്നറിയാന്‍പോലുമുള്ള വ്യതമായ തെളിവില്ലായിരുന്നു. എനിക്ക് ആവശ്യത്തിന്‌ തെളിവില്ലായിരുന്നു ദൈവം; ഒട്ടും തെളിവില്ലായിരുന്നു.
ദൈവം: ഓ, അങ്ങനെയൊരു പ്രശ്നമുണ്ടായിരുന്നു അല്ലേ? നിനക്കുമുമ്പ് ഇവിടേയെത്തിയ ഒരു മരമണ്ടാന്‍ വിശ്വാസിയും അത് പറഞ്ഞില്ലല്ലോ? ഏതായാലും നീ അവിടെ പര്‍സ്പര സ്പര്‍ദ്ദയൊന്നുമുണ്ടാക്കാതെ, ആരെയും കൊല്ലാതെ 'ഹാലിളകി പറയിപ്പിക്കാതെ' വിവേകത്തോടെ ജീവിച്ചുവല്ലോ? നിനക്ക് സ്വര്‍ഗ്ഗത്തിലേക്കു പോകാം.
> അപ്പൂട്ടാ,
ദൈവങ്ങള്‍ക്കെല്ലാം വല്ലാത്ത കണ്ണ്ക്കടിയും പരസ്പരം അസൂയയുമാണ്‌. വിശ്വസിക്കാത്തനോട് അവര്‍ ക്ഷമിച്ചുവെന്നിരിക്കും; പക്ഷേ തന്നെയല്ലതെ മറ്റൊരു ദൈവത്ത ആരാധിക്കുന്നത് ഒരു ദൈവവും പൊറുക്കുകയില്ല. അത് കൊണ്ട് നിരീശ്വരവാദികള്‍ ഒട്ടും ഭയപ്പേടേണ്ടതില്ല.
----------------------------------------------------------------
(റിച്ചാര്‍ഡ് ഡാക്കിന്‍സിന്റെ 'The God Delusion' എന്ന പുസ്തകത്തെ ആസ്പദമാക്കി സി. രവിചന്ദ്രന്‍ എഴുതിയ 'നാസ്തികനായ ദൈവം' എന്ന പുസ്തകത്തില്‍ (D C Books- Rs. 220/-) ഇക്കാര്യങ്ങളെല്ലാം വിശദമായി ചര്‍ച്ച ചെയ്യുന്നുണ്ട്. വായിച്ചിട്ടില്ലെങ്കില്‍ സമയമുള്ളപ്പോള്‍ വായിക്കുക.)
-----------------------------------------------------------
അപ്പൂട്ടന്‍ said...
സുശീൽ,
പണ്ടൊരു പോസ്റ്റ് കണ്ടിരുന്നു, ആരാണ്‌ എഴുതിയതെന്ന്‌ ഓർമ്മയില്ലാത്തതിനാൽ പേര്‌ ഊഹിച്ചു പറയുന്നില്ല. പുനർജ്ജന്മവിശ്വാസികൾ, ഏകജന്മ(സ്വർഗ്ഗ-നരക) വിശ്വാസികൾ, നിരീശ്വരവാദികൾ എന്നിങ്ങിനെ മൂന്നു ഗ്രൂപുകളിൽ ദൈവമുണ്ടെന്നു വരികിൽ ഏറ്റവും വലിയ നഷ്ടം നിരീശ്വരവാദികൾക്കായിരിക്കുമെന്ന്‌, കാരണം മതവിശ്വാസങ്ങളിൽ പറയുന്ന ശിക്ഷകൾ ഏറ്റുവാങ്ങേണ്ടത്‌ അവരായിരിക്കുമല്ലൊ. ഇതേ വിശ്വാസം, അല്ലെങ്കിൽ മറിച്ച്‌, എത്രപേർക്കുണ്ടെന്നറിയില്ല, പക്ഷെ ചിലരെങ്കിലും "ഈ പറയുന്നതൊക്കെ തെറ്റാണെന്നറിയാം, എന്നാലും എങ്ങാനും ശരിയായാലോ" എന്ന ചിന്തയുള്ളവരാണ്‌.
-------------------------------------------------------------------
> അപ്പൂട്ടന്‍,
ഇത് വളരെ രസകരമായ ഒരു വിഷയമാണ്‌. അപ്പൂട്ടന്റെ പോസ്റ്റുമായി ബന്ധമില്ലെങ്കിലും പറയട്ടെ.
മതവിശ്വാസികളും നിരീശ്വരവാദികളും മരിച്ച് പരലോകത്ത് ചെല്ലുന്ന ചില രംഗങ്ങള്‍:
1. ഒരു വിഗ്രാരാധകനായ ഹിന്ദുമതവിശ്വസിയാണ്‌ മരിച്ചശേഷം പരലോകത്ത് എത്തുന്നത് എന്നിരിക്കട്ടെ. അവിടെ അദ്ദേഹം കാണുന്നത് മുസ്ലിംകളുടെ അല്ലാഹുവിനെയും. എന്താകും പുകല്?
അല്ലാഹുവല്ലാത്ത ഒരു ദൈവത്തെ ആരാധിക്കുന്നതാണ്‌ ഒരു മനുഷ്യന് ചെയ്യാവുന്നതില്‍ വെച്ച് ഏറ്റവും വലിയ തെറ്റെന്ന് ഖുര്‍: അനില്‍ പറയുന്നുണ്ട്. അവര്‍ക്കുള്ള ശിക്ഷ നിത്യനരകമാണ്‌. ജീവിതകാലം മുഴുവന്‍ വിശ്വസിച്ചാരാധിച്ച ആ സാധുവിനെ നരകത്തീയിലിട്ട് റോസ്റ്റ് ചെയ്യില്ലേ?
2. സത്യവും ജീവനും ഞാനാകുന്നുവെന്നും രക്ഷ എന്നില്‍കൂടി മാത്രമെന്നും പറഞ്ഞ കൃസ്ത്യന്‍ ദൈവത്തെയാണ്‌ ഒരു മുസ്ലിം ഭക്തന്‍ മരിച്ചുചെല്ലുമ്പോള്‍ പരലോകത്തില്‍ കാണുന്നതെങ്കിലും ഫലം ഇതു തന്നെ.
3. ഇനി ജീവിതകാലം മുഴുവന്‍ അല്ലാഹുവിനെ ആരാധിച്ചു ജീവിച്ച് മരിച്ച ഒരു ദീനി വിശ്വാസി ഹിന്ദു ദൈവങ്ങളുടെ മുന്നിലാണ്‌ എത്തുന്നതെങ്കിലോ? അവനെ വല്ല പട്ടിയോ പൂച്ചയോ പുഴുവോ കൃമിയോ ആയി പുനര്‍ജനിപ്പിച്ചു ഭൂമിയിലേക്കുതന്നെ അയക്കില്ലേ?
4. എന്നാല്‍ ജീവിതത്തില്‍ ഒരിക്കലും മതം ആചരിക്കാത്ത ഒരു നിരീശ്വരവാദി ഇതില്‍ ഏത് ദൈവത്തിന്റെ മുന്നില്‍ എത്തിയാലും അന്തായിരിക്കും സംഭവിക്കുക?
ദൈവം: എന്താണ്‌ ഒരു നിരീശ്വരവാദിയായി ജീവിച്ചത്? അത് തെറ്റാണെന്നറിയില്ലേ?
നിരീശ്വരവാദി: പലരും പല ദൈവത്തിലാണ്‌ വിശ്വസിരുന്നത്. ഏതാണ്‌ നേരന്നറിയാന്‍ മാര്‍ഗ്ഗമില്ലായിരുന്നു. നിസ്സാരനായ മനുഷ്യന് ദൈവം ഉണ്ടോ എന്നറിയാന്‍പോലുമുള്ള വ്യതമായ തെളിവില്ലായിരുന്നു. എനിക്ക് ആവശ്യത്തിന്‌ തെളിവില്ലായിരുന്നു ദൈവം; ഒട്ടും തെളിവില്ലായിരുന്നു.
ദൈവം: ഓ, അങ്ങനെയൊരു പ്രശ്നമുണ്ടായിരുന്നു അല്ലേ? നിനക്കുമുമ്പ് ഇവിടേയെത്തിയ ഒരു മരമണ്ടാന്‍ വിശ്വാസിയും അത് പറഞ്ഞില്ലല്ലോ? ഏതായാലും നീ അവിടെ പര്‍സ്പര സ്പര്‍ദ്ദയൊന്നുമുണ്ടാക്കാതെ, ആരെയും കൊല്ലാതെ 'ഹാലിളകി പറയിപ്പിക്കാതെ' വിവേകത്തോടെ ജീവിച്ചുവല്ലോ? നിനക്ക് സ്വര്‍ഗ്ഗത്തിലേക്കു പോകാം.
> അപ്പൂട്ടാ,
ദൈവങ്ങള്‍ക്കെല്ലാം വല്ലാത്ത കണ്ണ്ക്കടിയും പരസ്പരം അസൂയയുമാണ്‌. വിശ്വസിക്കാത്തനോട് അവര്‍ ക്ഷമിച്ചുവെന്നിരിക്കും; പക്ഷേ തന്നെയല്ലതെ മറ്റൊരു ദൈവത്ത ആരാധിക്കുന്നത് ഒരു ദൈവവും പൊറുക്കുകയില്ല. അത് കൊണ്ട് നിരീശ്വരവാദികള്‍ ഒട്ടും ഭയപ്പേടേണ്ടതില്ല.
----------------------------------------------------------------
(റിച്ചാര്‍ഡ് ഡാക്കിന്‍സിന്റെ 'The God Delusion' എന്ന പുസ്തകത്തെ ആസ്പദമാക്കി സി. രവിചന്ദ്രന്‍ എഴുതിയ 'നാസ്തികനായ ദൈവം' എന്ന പുസ്തകത്തില്‍ (D C Books- Rs. 220/-) ഇക്കാര്യങ്ങളെല്ലാം വിശദമായി ചര്‍ച്ച ചെയ്യുന്നുണ്ട്. വായിച്ചിട്ടില്ലെങ്കില്‍ സമയമുള്ളപ്പോള്‍ വായിക്കുക.)
Subscribe to:
Posts (Atom)